اكبر قلب
سكر يا مسكر يا صغنن يا ابو قلب كبير
شاطر متشطر منك أنا اتعلمت كثير
ده كلامه مكسر لكن في الحب خطير
يضحك ويكركر قلبي معاه من الفرحة يطير
قطقوط يا مقطقط حتقرب مني هتتباس
يا عسل يا صغنن يا حنين إنت يا حساس
ده في حضنك جنة وعينيك مليانة حماس
وإيديك النعمة بطبطب على كل الناس
قلبك أكبر من سنك يا اللي إنت مفيش أجمل منك
أكبر قلب وأصدق حب ومش فارقة لك شكل ولون
أكبر من سنك ده احنا بقينا نتعلم منك
معنى الحب يا أجمل قلب إنت أجمل واحد في الكون
تزعل وتزمزء تضحك وعينيك فيها دموع
وتملي بتسبق وتساعد وإنت الموجوع
ولسان بيتأتأ في الثانية بمية موضوع
مش همك شكلك متواضع جدا وقنوع
تجري وتتنطط والدنيا متسواش في عينيك
تفرح وتزقطط طول ما حبايبك آه حواليك
وبسطتك تبسط دي أقل حاجة بترضيك
وبتدي وتدي ده إنت اللي في إيدك مش ليك
قلبك أكبر من سنك يا اللي إنت مفيش أجمل منك
أكبر قلب وأصدق حب ومش فارقة لك شكل ولون
أكبر من سنك ده احنا بقينا نتعلم منك
معنى الحب يا أجمل قلب إنت أجمل واحد في الكون
قلبك أكبر من سنك يا اللي إنت مفيش أجمل منك
أكبر قلب وأصدق حب ومش فارقة لك شكل ولون
أكبر من سنك ده احنا بقينا نتعلم منك
معنى الحب يا أجمل قلب إنت أجمل واحد في الكون