كلام كتير

وسع يا عم إنت وهو
خلينا نقول اللي في قلبنا

أنا من زمان ما كانش نفسي أعيش كده
بس الحياة هي اللي خليتني كده
ومن زمان (من زمان) عايش بعافر في الحياة
أجيبها كده تجي لي كده
وكأن كل القسوة والأحزان خلاص بقت عليّ متعودة

إتكلمنا كلام كثير، قولتي ياما كلام كثير
ياما قولنا، ياما قولتي، قولتي، قولتي وإحنا قولنا
وهما قالوا كله قال والكلام عمال يتقال
والكلام رايح شمال والعيال النص كم الكم تك، تك دوم
والأهم في المهم واللي همه هم عمو والحياة بتلف لف

الكل بالحال مش راضي متبطرين ع الدنيا دي
ما يفهموش ولا يعرفوش إن التعب ده ع الفاضي
عيشتنا حتى كرهناها مش كل حاجة بنرضاها
بقى مش عاجبنا ابداً نصيبنا والكل عايش في متاهة

بقينا نغني دار يا دار، راحوا فين حبايب الدار
الحبايب مش كثار، الحبايب مش كثار
حياتنا ليه بقت انتظار، قومنا نخلص الحوار

الكل ليه باصص فوقه؟
عايز الحياة كده على ذوقه
مش عاجبه حاله، عايش بداله
طب من المرار كده هيدوقه
ما رضتش ليه يا إبني بحالك
عايز تغير أحوالك
طب بكرة تعرف من الدنيا تفهم
إن الحياة مش دايمة لك

بس أنا عندي استفسار، ليه الحلاق قلبوه جزار؟
والقهوة قلبوها بار وأحمد بيه قلبوه إنتصار
ده إحنا لو زمن الكفار كنا نوفي حق الجار
بقينا أوحش من التتار، بقينا أوحش من التتار
(طار، طار عقلنا طار (عقلنا طار

الكل ليه باصص فوقه؟
عايز الحياة كده على ذوقه
مش عاجبه حاله، عايش بداله
طب من المرار كده هيدوقه
ما رضتش ليه يا إبني بحالك
عايز تغير أحوالك