من أكون
Salem Saif Al Khaldi
أنت بحياتي كل شي وأنا بحياتك من أكون
يا أغلى من روحي علي أهواك ليه حد الجنون
ودي تحسسني بغلاي ودي توضح يا مناي
حتى ولو تضحك معاي مقبول ردك يا فتون
إنته الوحيد اللي أراه أقرب لقلبي من غلاه
وإنته الذي عمري بلاه روضه بلا ورد وغصون
أشعر بقربك بالهنا أنسى همومي والعنا
منهو أنا منهو وأنا من غير شوفك يا حنون
قلبي وتفكيري معاك ودي سعادتك ورضاك
ماهمني هذا وذاك إنته الوحيد اللي تمون
إن كان ردك لي نعم لمح بعينك وإبتسم
وفر حديثك والقسم الحب مفتاح العيون