يبقى عنّا

يبقى عنّا، يبقى عنّا الجرأة نسمّي الإشيا بإسمها وعنّا
يبقى عنّا حرقة تخلّي قلوبنا تولع كل ما
شفنا ظلم ومن كثر ما شفنا ظلم كبرنا

يبقى عنّا، يبقى عنّا القدرة نخلّي العالم تحكي عنّا
تغنّي الأشعار اللي كانت وقتها تطلع منّا
والنّاس مطروبة وما حدا بيعرف مين غنّا
عم ذوب بميّة لون وكإنّه بوسع الكون
ما كان في غيري وغيرك يعرف لمّا
كنّا نذوب بميّة لون، ولون كإنّه، كإنّه بوسع الكون
ما كان في غيرك يذكر لمّا قلنا

إذا راح موت مش كرمال ملوك
أو كرمال حدود تقاسمتها ملوك
إذا لازم موت، بدّي موت لمّا ما يعود في شي غنّيه
ما يعود في شي غنّيه

يبقى عنّا، يبقى عنّا القوّة نشوف بالخربة قصور وعنّا
طرقات وسطوح بتسوا مملكة كإنّها
محصّنة وما بيقدر يخرق ميّة جيش حيطانا
عم ذوب بميّة لون وكإنّه بوسع الكون
ما كان في غيري وغيرك يعرف لمّا
كنّا نذوب بميّة لون ولون وكإنّه، كإنّه بوسع الكون
ما كان في غيرك يذكر لمّا قلنا

إذا راح موت، مش كرمال ملوك
أو كرمال حدود تقاسمتها ملوك
إذا لازم موت، بدّي موت لمّا ما يعود في شي غنّيه
ما يعود في شي غنّيه
إذا راح موت، مش كرمال زعيم
أو كرمال ألقاب مش معروفة لمين
إذا راح موت، مش كرمال كتاب
لتفضا القلوب وتتعبا الجياب
إذا لازم موت، بدّي موت لمّا ما يعود في شي غنّيه
ما يعود في شي غنّيه