مكانك
عن إحساسي بغيابك أو شعوري وإنت قدامي
وش أخباري وأنا أحبك على رغم اللقاء والبين
مكانك هو مكانك ما مشت بي إلا أيامي
تجي وتروح والحالة على حطة إيدك للحين
أنا ذاك اللي لا شفتك في وجهك تضحك أحلامي
وأنا ذاك اللي من تزعل وقفت وعالمي ما بين
تدور الدنيا من حولي وتموج الأرض بأقدامي
إلين اترد لي قلبٍ خذوه عيونك الثنتين
(أنا من زود ما أحبك رضيت بجرحك الدامي (رضيت، رضيت
وعشقت الغيرة وعتابك حنانك والقسى واللين
وتعودتك لحد إني بديت استعذب ألامي
وحضنتك حب ومن كبره تعامت عن خطاك العين
تعامت عن خطاك العين
معك ها المرحلة بالذات بميزها عن أعوامي
بسميها العمر كله وأعد الباقيات سنين
ولأنك جوهرة روحي وريمة قلبي وإلهامي
أبشكر عشرة من شهر صدفتك فيه أنا يا الزين
علاقتنا قصيدة حب ورقها تعّب أقلامي
ولوحتنا اللي ترسمها ومزاجك ريشة التلوين
قصيدة كانت أو لوحة أبي اتخلدها أيامي
علاقة بكل ما فيها تعبر عن غلا قلبين
(أنا من زود ما أحبك رضيت بجرحك الدامي (الدامي
وعشقت الغيرة وعتابك حنانك والقسى واللين
وتعودتك لحد إني بديت استعذب ألامي
وحضنتك حب ومن كبره تعامت عن خطاك العين
تعامت عن خطاك العين