Mafish Asbab - مفيش أسباب

[المقطع الأول]
مفيش أسباب
بعدت وعمري ما عملت لبعادنا حساب
أنا سيبتك عشان ما اقبلش إني أتساب
مشيت قبل إنت ما تقولي خلاص مليت
جراح في جراح
جرحت أنا نفسي بإيديا عشان أرتاح
بسببك كل شيء كان حلو بينا أهو راح
نهاية أكيد حبيبي عكس ما اتمنيت

[اللازمة]
أوقات بتموت حاجات علشان نعرف نعيش
وهكمل ليه الحياة مع قلب ما حبنيش
كان نفسي أعيش جواك مش بس أعيش وياك
ما تجبش العيب عليا وما تلومنيش
أوقات بتموت حاجات علشان نعرف نعيش
وهكمل ليه الحياة مع قلب ما حبنيش
كان نفسي أعيش جواك مش بس أعيش وياك
ما تجبش العيب عليا وما تلومنيش

[المقطع الثاني]
ما كملناش
عملت حاجات كتير قلبك ما قدرهاش
وكنت بموت عشان أرضيك وما بترضاش
وقطر الفرح عدى قصاد عينيا وفات
وهكدب ليه
أنا بحبك وهفضل أحبك أعمل إيه
ده قلبي أكيد ماليش كلمة حبيبي عليه
لكن عقلي بيبني قراره ع الحسابات

[اللازمة]
أوقات بتموت حاجات علشان نعرف نعيش
وهكمل ليه الحياة مع قلب ما حبنيش
كان نفسي أعيش جواك مش بس أعيش وياك
ما تجبش العيب عليا وما تلومنيش
أوقات بتموت حاجات علشان نعرف نعيش
وهكمل ليه الحياة مع قلب ما حبنيش
كان نفسي أعيش جواك مش بس أعيش وياك
ما تجبش العيب عليا وما تلومنيش