El Soboue - السبوع

Ahmed Fouad Negm - أحمد فؤاد نجم

حلاقاتك برجالاتك حلقة دهب فى وداناتك
يا حنتوسك يا فنتوسك يجعل عمرك قد فلوسك
جاتنى الشمس وطالبة تبوسك خجلة من ضى ابتساماتك
حصنتك ما تشوف الزل بخرتك بخدود الفل
ورقيتك من عين الكل النبى حارسك من عتاراتك
قلعتك حرز لبستك حرز القامطة حرير والصوف ع الشرز
قلعتك طاقة لبستك طاقة وكتبت حجابك على وبر الناقة
يكفيك الشىء والعيا والضيق وسكوت الناس وكلام العين
قلعتك قابة لبستك قابة ابعد يا شطان وتعالى يا شابة
لفية وارقية واسهرى سلية وفى برد اليل ضمية ودفية
قلعتك عافية لبستك عافية ورميت هلاهيلك فى المية الصافية
وغسلت زنوبك وقريت مكتوبك السعد مواعدك والهنا محسوبك
يارب يا ربنا يكبر ويبقى زينا طق الودع سحر وبدع سعد السعود فى ارضنا
تاتا تاتا خط العتب ودوس على كل العتب والى انقرى والى انكتب
واسرح فى نعمة ربنا يارب يا ربنا يكبر ويبقى زينا
خد البشارة يا حسن وافتحلنا الفال الحسن
وابعت على عيونة الوسن نوم العوافى والهنا
نام نام نام نام وادبحلك برجين حمام
واعملك طاجن وبرام واقعدلك سهران ما بنام
واغزلك زعبوط وحرام واخطبلك بنت من الشام
واقطفلك ورد الاحلام واكتبلك ع الورد كلام
حسادك بيتين اليل يتلو على نار الويل
سهرهم ودمعهم سيل شتتهم لو جالك ميل
واتحصن منهم بلخيل وملايكة شايلينك شيل

Curiosidades sobre la música El Soboue - السبوع del Mohamed Mounir - محمد منير

¿Cuándo fue lanzada la canción “El Soboue - السبوع” por Mohamed Mounir - محمد منير?
La canción El Soboue - السبوع fue lanzada en 1986, en el álbum “Elmalek - الملك”.
¿Quién compuso la canción “El Soboue - السبوع” de Mohamed Mounir - محمد منير?
La canción “El Soboue - السبوع” de Mohamed Mounir - محمد منير fue compuesta por Ahmed Fouad Negm - أحمد فؤاد نجم.

Músicas más populares de Mohamed Mounir - محمد منير

Otros artistas de